Ба гузориши телевизиони Эрон, Араҷӣ, муъовини вазири умури хориҷаи Эрон рӯзи 13-ум гуфт, Эрон ба Ожонси Байналмилалии Энержии Атомӣ хабар додааст, ки қасд дорад аз рӯзи 14-ум ба тавлиди ураниуми 60 дарсад ғанишуда шурӯъ кунад.
Арағӣ ҳамчунин гуфт, барои таъсисоти ҳастаии Натанз, ки системаи нерӯи барқ ​​дар рӯзи 11-ум аз кор монд, Эрон сентрифугаҳои осебдидаро ҳарчӣ зудтар иваз мекунад ва 1000 сентрифугаро бо афзоиши 50 дарсад тамаркуз хоҳад кард.
Ҳамон рӯз Зариф, вазири умури хориҷаи Эрон низ дар нишасти хабарии муштарак бо Лавров, вазири умури хориҷаи Русия, эълом кард, ки Эрон барои фаъолиятҳои ғанисозии уран дар таъсисоти ҳастаии Натанз сентрифугаи пешрафтатареро ба кор хоҳад бурд.
Дар авоили моҳи январи соли ҷорӣ Эрон эълом дошт, ки ба иҷрои тадбирҳо барои афзоиш додани фаровонии ураниуми ғанишуда то 20 дарсад дар таъсисоти ҳастаии Фордо шурӯъ кардааст.
Моҳи июли соли 2015 Эрон бо Амрико, Бритониё, Фаронса, Русия, Чин ва Олмон тавофуқи ҳастаии Эронро ба даст овард. Бар асоси ин тавофуқ, Эрон ваъда додааст, ки барномаи ҳастаии худро маҳдуд мекунад ва фаровонии ураниуми ғанишуда дар ивази лағви таҳримҳо алайҳи Эрон аз сӯи ҷомеъаи ҷаҳонӣ набояд аз 3,67 дарсад зиёд бошад.
Моҳи майи соли 2018 ҳукумати Амрико ба таври якҷониба аз тавофуқи ҳастаии Эрон хориҷ шуд ва ба дунбол дубора оғоз ва як силсила таҳримҳо алайҳи Эронро илова кард. Аз моҳи майи соли 2019 Эрон ба тадриҷ иҷрои баъзе бандҳои созиши ҳастаии Эронро мутаваққиф кард, аммо ваъда дод, ки чораҳои андешидашуда “бозгаштшаванда” ҳастанд.